بتمسك الموبايل كام ساعة فى اليوم ؟ 🕓
اول ما بتصحى ؟ قبل ما بتنام ؟ ولا طول اليوم ؟ 🤔
طيب ليه متستغلش الوقت اللى بيضيع وانت ماسك الموبايل📱، وتبدأ تتعلم برمجة !
جبنالك افضل 4 تطبيقات مجانية هتساعدك تتعلم لغات برمجة مختلفة بطريقة سهلة وبسيطة على الموبايل 📱
🔹 تطبيق SoloLearn : هيساعدك تتعلم لغات البرمجة خطوة بخطوة من خلال دروس تعليمية واختبارات علي كل جزء، التطبيق مناسب للمبتدئين وبيوفرلك اكتر من لغة برمجة ممكن تتعلمها زى لغة جافا Java، ولغة PHP، ولغة #C، ولغة Ruby، ولغة C، وبايثون Python، و(C++)، وSQL. وده الى جانب لغات التصميم زى HTML وCSS ، وجافا سكريبت JavaScript.
🔹 تطبيق EnCode : تطبيق هيساعدك تتعلم اساسيات البرمجة من خلال دروس مدتها صغيرة وسهله ، المميز فيه انه بيشتغل من غير انترنت يعنى ممكن تستخدمه وانت فى المواصلات او فى اى مكان، التطبيق هيساعدك تتعلم لغات زى بايثون Pythonوجافا سكريبت JavaScript الى جانب HTML و CSS
🔹 تطبيق Dcoder : تطبيق سهل الأستخدام وبيقدملك دروس تعليميه فى اكتر من 33 لغة برمجة منهم لغة Java، ولغة PHP، ولغة #C، ولغة Ruby، ولغة C، وبايثون .Python
🔹 تطبيق Programming Hub : تطبيق هيعلمك من خلال الدروس والألعاب فى نفس الوقت، بيقدملك اكتر من 17 لغة برمجة زى بايثون وجافا و php و C# و JavaScript وغيرهم وبيشتغل من غير انترنت.
